მგელი მითებსა და ზღაპრებში

ილუსტრატორი: გიორგი ჯინჭარაძე

მითებში, ლეგენდებში, ზღაპრებსა თუ იგავებში, რომლებშიც ადამიანების გარდა სხვა სულიერი არსებებიც მონაწილეობენ, მგელი ყოველთვის შთამბეჭდავი პერსონაჟია. მისი უძველესი მითოსური სახე მოგვიანებით მრავალი ზღაპრისა და ნაწარმოების მგლის პერსონაჟის პროტოტიპად იქცა. ამ წიგნში ოთხი ცნობილი ზღაპრის შემოკლებული ვერსიაა: „წითელქუდა“, „მგელი და შვიდი ბეკეკა“, „ზღაპარი რუხ მგელსა და უფლისწულ ივანზე“ და „სამი გოჭი“; ნაწყვეტი სკანდინავიური მითიდან ფენრირის შესახებ; რომაული ლეგენდა - „კაპიტოლიუმის მგელი“; ცნობა ეგვიპტური მითოსის ერთ-ერთ მთავარ ღვთაება „ანუბისზე“; მოკლე ეპიზოდი რადიარდ კიპლინგის „ჯუნგლების წიგნიდან“; ეზოპეს ორი იგავ-არაკი და ქართული ხალხური ლექსი „სამი მგელი“.